FESTA DA CASTAÑA E DO COGOMELO

41
0
Desde 1990, o Concello de Riós organiza unha festa para dar a coñecer dous produtos do outono típicos desta zona montañosa do Sueste da provincia de Ourense: a castaña e os cogomelos. Para iso celébranse durante dous días actividades de tipo cultural e gastronómico e de divulgación de distintos aspectos da economía agropecuaria da zona.
Charlas informativas sobre os castiñeiros –un dos principais atractivos do concello–, saídas micolóxicas, concurso gastronómico da castaña e do cogomelo, concurso fotográfico e casetas expositivas con produtos artesáns da zona, embutidos, carne ecolóxica... teñen cabida nesta festa. O Centro de Interpretación da Castaña, na parroquia de Trasestrada, acolle moitas destas actividades.

Destacado: Os locais hostaleiros da zona ofrecerán menús compostos polos produtos típicos.
Arriba