Turgalicia Turismo de Galicia

Xunta de Galicia
Inicio > Goza destas... experiencias > Rutas turísticas > Ruta da Costa da Morte > Engadir á "Miña viaxe"
Costa da Morte

XEODESTINO

Costa da Morte

Aquí estaba a fin do mundo, o "Finis Terrae" dos romanos. Concretamente, en Cabo Fisterra, un lugar fascinante...

Cabo Fisterra

DESTAQUE

Cabo Fisterra

O "finis terrae". Por que alguén querería ir á fin do mundo?

Ruta da Costa da Morte...

Descrición

A Costa da Morte ocupa o segmento noroeste do litoral galego, estendéndose ao longo de ducias de quilómetros, dentro dos límites da provincia da Coruña. Nesta costa, atoparemos praias desertas, enseadas e cantís. Os cabos, como o de Fisterra, Touriñán e Vilán, penetran nun océano bravío e de augas axitadas.

Todo isto forma unha paisaxe inconfundible, sinal de identidade deste lugar.

Ampliar

As súas aldeas convidan ao paseo tranquilo e a observar os labores dos homes e mulleres do mar. É unha terra de misterio, de lendas e mitos. A súa beleza paisaxística e o interese cultural convértena nunha zona única e de especial encanto para o visitante.

Polo seu valor ecolóxico, esta parte de Galicia alberga dous Lugares de Importancia Comunitaria (a costa da Costa da Morte case na súa totalidade e o Río Anllóns) e unha Zona de Especial Protección para as Aves (Illas Sisargas), así como unha Paisaxe Protexida (Penedos de Pasarela e Traba). Cara ao interior, a terra forma suaves outeiros, tapizados de campos de millo, pastos e forestas.
A personalidade da Costa da Morte está marcada pola súa condición de límite occidental de Europa. Desde a antigüidade, o ser humano considerou este lugar como o Finisterrae, a fin do mundo, a porta ao Máis Alá. Tras a súa chegada a este lugar, os romanos presenciaron e relataron o espectáculo do sol afundíndose no Océano Atlántico, unha escena gravada na imaxinación colectiva dos antigos desde tempos moi remotos.
É unha das zonas máis ricas de Europa en mostras de cultura megalítica. A visita ao dolmen de Dombate ou ao castro de Borneiro, enclaves de gran valor, faranos recuar miles de anos no tempo, para coñecer algo máis da vida dos nosos ancestrais. Coa chegada do cristianismo, moitos dos lugares sagrados dos primeiros poboadores destas terras adaptáronse ás novas crenzas.
Mesmo nas celebracións relixiosas de hoxe en día, é posible percibir o alento ancestral panteísta e pagán que as anima. No santuario da Virxe da Barca, en Muxía, reúnense cada ano milleiros de fieis nunha das romarías máis importantes de Galicia.

Fronte a estas costas navega unha boa parte do tráfico marítimo do Atlántico Norte. Se temos en conta que a liña da costa é moi recortada e que as tormentas e temporais son habituais durante os meses de inverno, comprenderemos por que a Costa da Morte foi escenario de multitude de naufraxios. Fronte ao mar é posible ver cruces que lembran as súas vítimas. O cemiterio dos Ingleses debe o seu nome aos numerosos afogados que causou o afundimento do buque inglés Serpent en 1880.

A forma de vida dos habitantes da Costa da Morte está estreitamente ligada ao mar. A súa economía baséase na pesca e no marisqueo. Unha das imaxes máis representativas desta zona é a do traballo dos percebeiros, que saltan de rocha en rocha esquivando os golpes de mar. Como non podía ser doutro xeito, a gastronomía destes lugares saca partido da gran calidade e variedade dos seus peixes e mariscos.

A Costa da Morte mantén as tradicións dos seus antigos oficios e labores de artesanía. O encaixe de palillos, sobre todo o de Camariñas, mais tamén o doutras localidades, recibiu mostras de recoñecemento a nivel internacional. Por outra banda, Buño é famoso xa desde hai séculos pola súa importante actividade oleira.

Compárteme en...

A Miña viaxe

A miña viaxe

Preparando a viaxe...

Almacena toda a información necesaria para organizar a túa viaxe: museos, monumentos, lugares de interese, aloxamentos, restaurantes...

Unha vez o teñas feito, poderás ver o plano da túa ruta, gardar información en PDF ou exportar as túas localizacións en GPS

Durante a viaxe...

Xa estás disfrutando de Galicia, aquí poderás consultar o plano da túa ruta, gardar información en PDF ou exportar a túas localizacións en GPS

Si dispós dun móvil con GPS poderás ver a túa situación no mapa.

Despois da viaxe

Agora que xa estás de volta, poderás anotar o que che pareceu o que visitaches, e tamén marcar o que non pudiedeches ver, para non olvidarte na próxima!

Entrar
Xunta de Galicia Turismo de Galicia

© 2013 Turismo de Galicia | Todos os dereitos reservados
Política de privacidade | Contacto | Accesibilidade

Arriba