A directora de Turismo de Galicia sitúa o Camiño de Santiago como exemplo de sustentabilidade entre as rutas de peregrinación europea
Vava Castro, destacou a importancia do Camiño de Santiago como exemplo de sustentabilidade entre as rutas de peregrinación europeas. Así o manifestou durante o acto de benvida á delegación da European Pilgrimage Interreg Europe, a rede europea de cidades e lugares sagrados de peregrinación que fomenta a sustentabilidade turística, que participa ata o venres en Galicia nunhas xornadas de traballo. Formada por preto de trinta profesionais de turismo e de diferentes ámbitos académicos de países como Italia, Reino Unido, Suecia ou Romanía, a delegación deste proxecto europeo puido comprobar de xeito teórico e práctico como é o modelo de xestión da ruta xacobea na Comunidade galega.