Turgalicia Turismo de Galicia

Xunta de Galicia
Inicio > Goza destas... experiencias > Paseando entre viñedos > Experiencias > Engadir á "Miña viaxe"
O Ribeiro

XEODESTINO

O Ribeiro

O Ribeiro é terra de fértiles vales sucada por numerosos ríos como o Miño, o Arnoia ou o Avia. O Ribeiro é sinónimo de viño...

Paseando entre viñedos

Laias e os viños do Ribeiro

Un percorrido pola acrópole máis grande de Galicia, unha sesión de balneoterapia, visita a algunha adega e ao mosteiro onde os monxes cistercienses trouxeron as primeiras cepas de viño.

Interésache!

  • Inicio: Cenlle
  • Final: Ourense
  • Xornadas: 3
A cultura do viño e da auga termal están intimamente ligadas nas terras da comarca do Ribeiro, na Galicia interior. A súa accidentada orografía, mestura de ribeira e montaña, conforman fermosas paisaxes pero tamén gardan fabulosos castros, ermidas, igrexas e mosteiros, considerados o berce dos excelentes viños que producen.

Estes caldos están hoxe amparados pola Denominación de Orixe do Ribeiro, cuxas adegas e rico patrimonio animámosvos a descubrir.

Máis información...
-Adega Pazo Casanova. www.pazocasanova.com
-Adega Viña Meín. www.vinamein.com
-Balneario de Laias.Teléfono: 988 280 409

Percorrido - Día 1º

Dende Cenlle ata a acrópole máis grande de Galicia, o Castro de San Cibrao de Las

 

Ampliar
  • Castro de San Cibrao de Las

    Castro de San Cibrao de Las

  • Polbo no Carballiño

    Polbo no Carballiño

  • Viñedos do Ribeiro

    Viñedos do Ribeiro

  • Cocido galego

    Cocido galego

Propoñémosvos partir de Cenlle, concello situado na marxe do río Miño, onde as súas augas se acumulan a causa do encoro de Castrelo de Miño. Os seus mananciais de auga termal, que mana a máis de 50 graos, permítenos beneficiarnos deste recurso en modernas instalacións.

Aconsellámosvos chegar ao lugar a primeira hora da tarde, así poderedes aproveitala para programar unha visita a algún dos interesantes recursos patrimoniais da zona, como o espectacular castro de San Cibrao de Las, tamén coñecido como “A Cidade”, moi próximo a Cenlle, a cabalo entre os concellos de San Amaro e Punxín. Está considerado o maior de Galicia. A súa superficie interior esténdese ao longo de case 100.000 m2, dos que 9.000 pertencen á acrópole.

Entre a multitude de elementos do castro que chamarán a vosa atención, un dos máis singulares é a fonte-alxibe situada ao lado da porta oeste da muralla exterior. Sábese que o castro estivo habitado entre os séculos II antes de Cristo e o II despois de Cristo, etapa na que xa declinaba a cultura castrexa, polo que se aprecian na acrópole evidentes signos de romanización. Todo o castro, na cima dunha suave lomba, está rodeado dunha bonita paisaxe de onduladas montañas e vexetación autóctona.

Unha sesión de balneoterapia en Laias

Ao rematar a visita suxerímosvos que culminedes a tarde cunha sesión de balneoterapia nas instalacións termais de Laias. Segundo está documentado tamén o facía o rei de León Bermudo II, que no ano 999 acudía a estas terras acompañado do príncipe Alfonso para repoñerse da gota que padecía, a sabendas das propiedades salutíferas destas augas hipertermais, que hoxe coñecemos que son predominantemente bicarbonatadas e alcalinas. Gozar dun baño na piscina exterior de auga quente non só reporta beneficios para a saúde senón unhas excelentes vistas, pois é como un balcón onde mirar as augas do Miño remansadas no encoro de Castrelo de Miño. Se nos apetece tamén podemos realizar un tratamento de saúde, relax ou beleza.

"Mentras auga teña o Miño, no Ribeiro non falta viño" .
 Dito popular

Acompañamos os mellores manxares da zona cunha copa de ribeiro

Á hora da cea existe unha gran variedade de produtos autóctonos de calidade cos que agasallar o padal. Xunto cunha copa de viño da Denominación de Orixe Ribeiro podemos escoller pan de Cea e un prato de polbo á feira, ao estilo de como o preparan na localidade próxima do Carballiño, famosa polas súas polbeiras, acompañado de cachelos e uns pementos da Arnoia, se é temporada. Se preferimos a carne, podemos decantarnos por unha cachucha ou lacón con grelos.

 

Compárteme en...

A Miña viaxe

A miña viaxe

Preparando a viaxe...

Almacena toda a información necesaria para organizar a túa viaxe: museos, monumentos, lugares de interese, aloxamentos, restaurantes...

Unha vez o teñas feito, poderás ver o plano da túa ruta, gardar información en PDF ou exportar as túas localizacións en GPS

Durante a viaxe...

Xa estás disfrutando de Galicia, aquí poderás consultar o plano da túa ruta, gardar información en PDF ou exportar a túas localizacións en GPS

Si dispós dun móvil con GPS poderás ver a túa situación no mapa.

Despois da viaxe

Agora que xa estás de volta, poderás anotar o que che pareceu o que visitaches, e tamén marcar o que non pudiedeches ver, para non olvidarte na próxima!

Entrar
Xunta de Galicia Turismo de Galicia

© 2013 Turismo de Galicia | Todos os dereitos reservados
Política de privacidade | Contacto | Accesibilidade

Arriba