Esta zona protexida abrangue dous espazos naturais diferentes. Por unha banda, o treito do Río Grande de Xuvia co seu afluente o Castro; por outra, a serra de Forgoselo.
A antiga fábrica e muíño de fariñas de Ponte Xuvia sinala a punto da desembocadura no fondo da ría de Ferrol, entre os concellos de Narón e Neda. No seu breve curso fluvial atravesa húmidos vales como o de Moeche, que conta cun famoso castelo restaurado, e San Sadurniño onde a cor verde triúnfa na paisaxe. Recibe tamén a achega do río Castro, que reflicte o outeiro da torre de Naraío.
A serra do Forgoselo destaca polas súas formas suavemente onduladas que roldan os 500 metros de altitude. A orografía e as abundantes chuvias son favorables para a formación de áreas húmidas e vexetación asociada de moito interese como a coñecida como Veiga das Lagoas.