A estrada local que une as localidades da Pontenova, ao norte, e A Fonsagrada, ao sur, é a principal vía de acercamento a dous extensos bosques autóctonos, separados entre si, e de difícil acceso que cobren a rede tributaria da conca alta do Eo. O primeiro é a fraga do río Reigadas e outros regatos. É recomendable a visita a partir da ferrería de Bogo (A Pontenova), onde se recuperou a un interesante conxunto etnográfico do século XVIII relacionado coa riqueza férrica da comarca.
O segundo bosque, no concello da Fonsagrada e Ribeira de Piquín, é a fraga de Carballido. O río de referencia é o Rodil e a multitude do seus tributarios, principalmente o Veiga de Logares. Existen referencias da presenza esporádica do oso pardo.