Casas barrocas señoriais que albergan parte dos fondos do Museo Provincial.
A Casa de Castro Monteagudo e o Pazo de García Flórez, ambas de mediados do século XVIII, están unidas entre si por un orixinal arco moderno.
Edificio Castro Monteagudo: sede de coleccións de arqueoloxía, ourivería prerromana e romana, ourivería popular e civil (colección Fernández de la Mora) e pintura española, italiana e flamenca dos s. XV ao XVIII.
Edificio García Flórez: acibeches, gravados, escultura relixiosa, louza de Sargadelos, o despacho do almirante Méndez Núñez e unha reprodución da cámara da Fragata Numancia, así como dunha cociña tradicional galega.
Edificio Fernández López, na mesma praza que os anteriores, alberga as salas de pintura española dos séculos XIX e XX.