Sitúase na Carballeira de Santa Susana que culmina o Paseo da Ferradura, e onde, parece que houbo un castro. Este lugar foi doado polos condes de Altamira ao Concello no ano 1546. A lenda sinala que os restos da Santa -copatroa da cidade- foron trasladados a Compostela polo Arcebispo Xelmírez dende a cidade portuguesa de Braga. Da primitiva igrexa que mesmo aparece citada no Códice Calixtino, apenas queda nada; só se conserva o pórtico e algúns elementos que conforman a arquitectura do templo; arcos, columnas, canecillos e a cruz que coroa o frontón. O actual edificio levantouse no S: XVII, sendo o campanario posterior, do S. XIX. Sinalar tamén que aquí se celebrou a tradicional feira dos xoves, ata os anos setenta, en que se trasladou aos arredores da cidade, ao Mercado Nacional de Salgueiriños