Trátase dun convento de clausura, fundado en 1868 por M.Carmen Baliñas Castro, do que soamente se pode ver unha pequena parte (portería, igrexa e horta). De planta de cruz latina, bóveda de canón rebaixada e fachada neoclásica. Destacar a súa entrada, onde se sitúa un cruceiro de enorme valor artístico, cun peto das ánimas datado do S.XIX. 

Nel pódese observar unha representación de Cristo por un lado e da Virxe das Angustias polo outro; na base aparecen unha serpe e catro caveiras.