Turgalicia Turismo de Galicia

Xunta de Galicia
Inicio > Goza destas... experiencias > Santuarios máxicos > Itinerarios > Engadir á "Miña viaxe"
Pontevedra

Pontevedra

Hai tanto que ver: arquitectura, alamedas, paseos polo río, prazas cheas de vida...

Ría de Arousa

XEODESTINO

Ría de Arousa

A maior das Rías Baixas é una sabia mestura de natureza, arte, tradición mariñeira e hoxe en día, do mellor lecer...

Ría e Terras de Pontevedra

XEODESTINO

Ría e Terras de Pontevedra

As terras da ría de Pontevedra están marcadas pola súa tradición mariñeira...

Santuarios máxicos

Milagres de auga...e aceite

A auga, doce ou salgada, é o fío que nos conducirá nesta experiencia máxica a través de santos, fontes, mananciais e pedras milagreiras, todos eles convertidos en altares para a curación de males e para a celebración de rituais de fecundidade.

Interésache!

  • Inicio: Pontevedra
  • Fin: Sanxenxo
  • Xornadas: 2
  • Km (aprox): 67 Km
“Se vas a San Benitiño / non vais ao de Paredes, / que hai outro máis milagreiro / no conventiño do Lérez”.

“Levei a miña muller / á Lanzada, ás nove ondas; / leveina a desinfeitar / e botar os demos fóra”.
Data de celebración das romarías:
- San Benitiño de Lérez: 11 de xullo.
- Nosa Señora dos Milagres de Amil: Domingo seguinte ao 8 de setembro.
- Nosa Señora das Cabezas de Armenteira: Luns de Pascua.
- Nosa Señora da Lanzada: Último fin de semana de agosto.

Percorrido - Día 1º

Comezamos o noso itinerario cunha visita ao centro histórico de Pontevedra, un dos máis bonitos e mellor conservados de Galicia. Pasear polas encantadoras prazas do Teucro ou da Leña, polos soportais de pedra, ou tomar un café nas terrazas da praza da Ferrería é unha experiencia moi agradable, sobre todo, cun día de sol, en primavera, e coas camelias en flor. Imprescindible unha visita á orixinal igrexa da Peregrina, que ten forma de cuncha de vieira. Elegante e coqueta, alberga no seu interior a imaxe da patroa de Pontevedra. Ideal para iniciar a nosa ruta máxica.

Ampliar
A poucos minutos, atopámonos co mosteiro de San Salvador, que acolle a talla de San Benitiño de Lérez. O templo, do século XVIII, érguese sobre un montículo dende o que se aprecian unhas magníficas vistas da cidade de Pontevedra e do río Lérez. A imaxe de San Benitiño de Lérez é pequena pero, como canta a copla, o seu tamaño non lle quita de ser o santo máis milagreiro. San Benitiño é perfecto para sandar as verrugas e os problemas de pel: só hai que acariñar a cara do santo cun pano e facerse co aceite máxico.
Se coincidides coa procesión do día grande, veredes como a fe que os devotos lle profesan se reflicte nunha capa de billetes que a cobren por completo. O día da  festa, se imos andando pola beira do río Lérez, poderemos ver os romeiros remontando o río en coloridas barcas, adornadas con cintas e flores. Logo de visitar o santo, podedes gozar coma un romeiro máis,  dun xantar campestre: empanada e viño galego ao son dos gaiteiros.
Continuando a nosa ruta cara ao norte, chegamos ao santuario de Nosa Señora dos Milagres de Amil, en Moraña. Nada máis chegar percibiredes que se trata dun templo de culto vivo. Sobre todo, se vos achegades nos días da festa.
O máis sorprendente desta romaría son as camiñadas nocturnas que realizan os fieis para asistiren ás misas da madrugada. Outra imaxe típica da romaría son as candeas, da altura dunha persoa, apoiadas contra as paredes da igrexa. Algunhas xa están acesas, esperando a ser compradas para saíren na procesión. O silencio invade os devotos que camiñan ou van de xeonllos, paseniño, detrás dos portadores da imaxe totalmente cuberta por ofrendas en metálico ou por fotografías dos agradecidos. Resalta a fermosa e delicada talla da Virxe. Viste manto branco bordado en ouro e o seu cabelo negro en longos rizos sobresae por debaixo do veo. Outro costume que podedes compartir é o de beber, mollarvos ou lavarvos na fonte de auga santa que hai ao pé da teatral escalinata de cen chanzos que leva ata o templo. Tamén podedes continuar o ritual seguindo os pasos dos romeiros que queren calmar o seu fervor acudindo a Rozavella, a menos dun quilómetro, que é o lugar onde está o primeiro manancial máxico.
A meirande parte dos devotos pídenlle á nosa Señora dos Milagres de Amil pola súa saúde ou protección, esa que tamén lle pregan os mariñeiros deixándolle unha réplica das súas embarcacións, o que resulta curioso ao atoparse este templo afastado da costa.
Antes de dirixirnos á nosa seguinte parada, facemos un alto no camiño para descubrir outra atmosfera máxica, desta vez relacionada coa natureza. É o lugar das fervenzas do río Barosa, magnífico espectáculo formado por muíños e pozas naturais.  Se o tempo acompaña, poderedes bañarvos nas súas cristalinas augas e sentir a forza da auga caendo sobre vós, coma se de un spa natural se tratase.
Compárteme en...

A Miña viaxe

A miña viaxe

Preparando a viaxe...

Almacena toda a información necesaria para organizar a túa viaxe: museos, monumentos, lugares de interese, aloxamentos, restaurantes...

Unha vez o teñas feito, poderás ver o plano da túa ruta, gardar información en PDF ou exportar as túas localizacións en GPS

Durante a viaxe...

Xa estás disfrutando de Galicia, aquí poderás consultar o plano da túa ruta, gardar información en PDF ou exportar a túas localizacións en GPS

Si dispós dun móvil con GPS poderás ver a túa situación no mapa.

Despois da viaxe

Agora que xa estás de volta, poderás anotar o que che pareceu o que visitaches, e tamén marcar o que non pudiedeches ver, para non olvidarte na próxima!

Entrar
Xunta de Galicia Turismo de Galicia

© 2013 Turismo de Galicia | Todos os dereitos reservados
Política de privacidade | Contacto | Accesibilidade

Arriba