Turgalicia Turismo de Galicia

Xunta de Galicia
Inicio > Goza destas... experiencias > Turismo mariñeiro > Actividades de turismo mariñeiro > Mariñeiro en terra > Engadir á "Miña viaxe"

Pasea o mar!

Rutas mariñeiras en terra

Percorridos pola costa para coñecer os seus segredos agachados.

por páxina
Confraría de pescadores

Fisterra, pescando onde o solpor: Roteiro guiado

A confraría ofrece a realización de roteiros guiados desde o museo de pesca ata a lonxa, con visita as casetas de armadores ou ao peirao, entre outras.
Reserve en: Confraría de pescadores "Nuestra Señora de las Arenas" de Fisterra
Confraría de pescadores de Lira - Mardelira

Rutas por terra – Mardelira

Unha mariscadora guiaranos por distintos roteiros onde se desenvolve a vida nun porto pesqueiro e a actividade marisqueira. Os feitos mais salientables na historia desta pequena vila mariñeira quedan gravados no porto e na vida da xente do mar, polo que estas rutas están pensadas para que o visitante coñeza mais de preto a vida do porto e da comunidade mariñeira.
Reserve en: Confraría de pescadores de Lira - Mardelira
Confraría de pescadores de Laxe - Mardelaxe

Visita guiada polo porto de Laxe - Mardelaxe

A visita consiste na realización dun percorrido polo porto no que se amosa a vida do mar, os traballos en terra estarán representados na figura  das mulleres que nos ensinarán os segredos da súa profesión e a xornada mariña rematará coa venta na lonxa; todas elas actividades cheas de historia e tradición.
Reserve en: Confraría de pescadores de Laxe - Mardelaxe
Confraría de pescadores de O Pindo

Programa “Pindo Mariño”

Roteiro do porto de Quilmas: Visita ao porto natural e peirao de Quilmas, así como ás casetas de pescadores e antigas fábricas de salga. Duración aproximada da actividade: 1 hora e 30 minutos ( Todo o ano).Roteiro de Caldebarcos: Visita ás antigas instalacións ligadas á actividade pesqueira, e ás súas casetas recentemente restauradas, así como ao contorno natural da Berberecheira, onde se desenvolven actividades de marisqueo a pé.Duración aproximada da actividade: 2 horas ( Todo o ano).Roteiro do Fornelo: Partindo do peirao do Sinal (peirao do Pindo) acercarémonos a unha parte pouco coñecida do pobo: a praia de Fornelo, coa antiga fábrica de salga e as súas furnas e a farola con impresionantes vistas panorámicas da zona.Duración aproximada da actividade: 1 hora ( Todo o ano).
Reserve en: Confraría de pescadores de O Pindo
Asociación Cultural de Mulleres do Mar de Cambados (Guimatur)

Guimatur - Ruta do porto de Cambados

 A ruta comeza coa asistencia á poxa da lonxa de mariscos con explicación do seu funcionamento. Acercaremonos posteriormente ao porto para ver os distintos tipos de barcos e artes de pesca que usan, visitaremos a nave de redeiras e finalmente a depuradora de mariscos.  
Reserve en: Asociación Cultural de Mulleres do Mar de Cambados (Guimatur)
Concello de Vigo

100 minutos de mar

Ruta autoguiada que transcorre pola zona portuaria de Vigo. Comeza na Praza da Pedra e finaliza no emblemático barrio de O Berbés. Durante este percorrido podemos coñecer a evolución histórica do porto, así como a súa relevancia para a cidade nos últimos séculos.
Reserve en: Concello de Vigo
Roteiros

Ruta das algas

Na ruta  percorreremos unha sucesión de fermosas praias na parroquia de Loiba para descubrir o traballo das mariscadoras e algueiras da zona, con sorpresas como a estampa das recolectoras de algas xunto aos seus burros que suben coas alforxas cheas desta planta mariña.
Reserve en: Roteiros
Lares y Mares

Visitas a contornos mariñeiros tradicionais

RUTA MARIÑEIRA: Nesta ruta descubriremos a maxia do mercado de abastos das activas vilas mariñeiras de Galicia, coñeceremos as "peixeiras", as estrelas do mercado. Continuaremos a ruta visitando o peirao pesqueiro, onde se encontran os diferentes tipos de embarcacións, aparellos de pesca, e alí presentarémosvos ás redeiras, verdadeiras artesás do mar, que traballan no mantemento e creación das redes de pesca. Tropezarémonos seguro con algún lobo de mar na lonxa, lugar onde desembarcan todas as especies pescadas para proceder ao seu peso, clasificación, etiquetaxe e posterior poxa, todo un espectáculo que non debes perder. Duración aproximada da actividade: 2 horas de luns a venres. RUTA ANTIGA CONSERVEIRA E BALEEIRO: Paseo polos arredores a Fábrica de Massó, unha das máis modernas fábricas de conserva na súa época, ata chegar á antiga baleeira. Hoxe son lugares practicamente en ruína, pero situados nun ámbito costeiro de gran beleza e con múltiples historias que merecen ser contadas. Duración aproximada da actividade: 2 horas, todos os días. CABOS E FAROS COSTA DA VELA: Camiñada por sendeiros de area e terra para coñecer os viñedos máis próximos ao mar, dos que se obtén excelente viño branco, veremos algunhas das mellores playas do Morrazo e visitaremos unha antiga fábrica de salgadura en ruínas. Alcanzaremos os faros de Cabo Home, protexido pola presenza das Illas Cíes. Se temos aínda enerxía subiremos ao Monte Facho, asentamento de antigas tribos celtas e miradoiro excepcional do Parque Nacional das Illas Atlánticas. Duración aproximada da actividade: 4 horas, todos os días. MARISCADORAS DE MOAÑA: Achegarémonos ás praias de Moaña para ver en acción ás expertas artesás do mar que marisquean en busca de ameixa e berberecho. Aprenderemos como se realiza o marisqueo, dende a súa extracción ata a súa comercialización. Seguiremos a súa pista ata a lonxa, onde explicaremos o proceso de poxa e veremos as diferentes embarcacións mariñeiras e útiles de pesca. Duración aproximada da actividade: 2 horas, de luns a venres. RUTA DAS ANTIGAS SALINAS: Encantadora e sinxela ruta ao fondo da ría de Vigo, durante a cal teremos a posibilidade de internarnos nas ruínas dunha antiga casa cun aire moi máxico, onde antigamente se almacenaba sal e descansaban os camiñantes. Pasearemos polos diques das antigas salinas de Ulló. Observaremos onde se situou un antigo muíño de mareas e teremos a posibilidade de contemplar durante todo o traxecto unha variada flora e fauna. A ruta ideal para os amantes do avistamento de aves. Duración aproximada da actividade: 2 horas, todos os días. RUTA DE ALDÁN: Camiñaremos pola bonita ría de Aldán, coñecida polas súas espectaculares praias e as rechamantes bateas, visitando o particular igrexa mariñeiro de Vilariño, o peirao pesqueiro coas súas embarcacións típicas, a lonxa e se estamos a tempo poderemos ver como se cocen os mexillóns nun cocedero próximo. Duración aproximada da actividade: 2 horas, todos os días.  
Reserve en: Lares y Mares
Confraría de pescadores

Fisterra, pescando onde o solpor: Roteiro guiado

A confraría ofrece a realización de roteiros guiados desde o museo de pesca ata a lonxa, con visita as casetas de armadores ou ao peirao, entre outras.
Reserve en: Confraría de pescadores "Nuestra Señora de las Arenas" de Fisterra
Confraría de pescadores de Lira - Mardelira

Rutas por terra – Mardelira

Unha mariscadora guiaranos por distintos roteiros onde se desenvolve a vida nun porto pesqueiro e a actividade marisqueira. Os feitos mais salientables na historia desta pequena vila mariñeira quedan gravados no porto e na vida da xente do mar, polo que estas rutas están pensadas para que o visitante coñeza mais de preto a vida do porto e da comunidade mariñeira.
Reserve en: Confraría de pescadores de Lira - Mardelira
por páxina
Compárteme en...

A Miña viaxe

A miña viaxe

Preparando a viaxe...

Almacena toda a información necesaria para organizar a túa viaxe: museos, monumentos, lugares de interese, aloxamentos, restaurantes...

Unha vez o teñas feito, poderás ver o plano da túa ruta, gardar información en PDF ou exportar as túas localizacións en GPS

Durante a viaxe...

Xa estás disfrutando de Galicia, aquí poderás consultar o plano da túa ruta, gardar información en PDF ou exportar a túas localizacións en GPS

Si dispós dun móvil con GPS poderás ver a túa situación no mapa.

Despois da viaxe

Agora que xa estás de volta, poderás anotar o que che pareceu o que visitaches, e tamén marcar o que non pudiedeches ver, para non olvidarte na próxima!

Entrar
Xunta de Galicia Turismo de Galicia

© 2013 Turismo de Galicia | Todos os dereitos reservados
Política de privacidade | Contacto | Accesibilidade

Arriba