A contorna natural de Lugo é un privilexio, xa que ofrece unha notable biodiversidade ás portas da cidade ou mesmo no seu interior. Desde o gran río Miño podemos camiñar por bosques case ata a mesma muralla e admirar o seu gran valor natural.

Ríos e bosques máis alá da muralla

A cidade atópase estratexicamente situada nun punto elevado desde o que se domina o Miño. O gran desnivel existente entre a idade e a beira do río permitiu que algunhas ladeiras estean cubertas dun bosque de sorprendente calidade aínda hoxe en día. O río Miño conserva igualmente un bosque de ribeira e unha contorna privilexiada, que se pode gozar comodamente polos carreiros que o percorren. Por último, o monumento máis característico da cidade, a bimilenaria muralla, é, aos ollos das aves, un gran cantil rochoso cheo de pequenas fendas; un punto de atracción para moitas delas, que a empregan como lugar de nidificación. 

Os roteiros
Lembra que pode haber recursos que non estean xeorreferenciados e, polo tanto, non os esteas visualizando.

Roteiro a pé: Muralla de Lugo e Parque Rosalía de Castro

MELLOR ÉPOCA

Todo o ano, especialmente na primavera

DISTANCIA

3 Km

DURACIÓN

1 hora

DIFICULTADE

Ningunha

CONCELLOS

Lugo

PERCORRIDO

Muralla de Lugo e Parque Rosalía de Castro

Lembra que pode haber recursos que non estean xeorreferenciados e, polo tanto, non os esteas visualizando.

Puntos clave da ruta:

  1. A muralla e os seu arredores merecen atención constante, aínda que hai zonas como a contorna da catedral (1) que son particularmente atractivas. Podemos observar cirrios comúns en primavera e verán, estorniños negros e pintos nos seráns invernais e, todo o ano, grallas pequenas. Con sorte, tamén se localiza o falcón peregrino.
  2. No parque Rosalía de Castro (2), a poucos metros da muralla, podemos ver un bo número de pequenas aves forestais, como o gabián, ferreiriños reais, negros, rabilongos ou ferreiriño comúnsD, e tamén o gabeador común. Constitúe un lugar idóneo para iniciarse na observación de aves.

Roteiro a pé ou en bicicleta: Ponte Vella - Estación de captación de auga

MELLOR ÉPOCA

Todo o ano, especialmente na primavera

DISTANCIA

4,6 km, só ida

DURACIÓN

1,5 horas a pé, media hora en bicicleta (só ida)

DIFICULTADE

Ningunha

CONCELLOS

Lugo

PERCORRIDO

Ponte Vella - Estación de captación de auga

Lembra que pode haber recursos que non estean xeorreferenciados e, polo tanto, non os esteas visualizando.

Puntos clave da ruta:

  1. Nas proximidades da Ponte Vella (1)  podemos observar especies como o mergullón pequeno, a lavandeira real e o corvo mariño grande. Nos prados, en inverno, mesmo é posible localizar a becacina común.
  2. Nas zonas de rápidos do río (2 e 3) cómpre estar atentos ao merlo rieiro, especialmente en inverno.
  3. Unha zona boscosa (4) envolve os últimos quilómetros da ruta: alí é posible observar especies como o gabeador azul e o común, o tordo común ou o peto real.

Roteiro a pé un en bicicleta: Parque Marcos Cela - Río da Chanca

MELLOR ÉPOCA

Todo o ano, especialmente na primavera e no mes de setembro

DISTANCIA

4,3 km, só ida

DURACIÓN

1,5 horas a pé, media hora en bicicleta (só ida)

DIFICULTADE

Ningunha

CONCELLOS

Lugo

PERCORRIDO

Parque Marcos Cela - Río da Chanca

Lembra que pode haber recursos que non estean xeorreferenciados e, polo tanto, non os esteas visualizando.

Puntos clave da ruta:

O itinerario transcorre por cómodos carreiros que percorren a contorna dun Miño convertido en parque periurbano. Habémonos fixar nas aves do río, como a garza real, o corvo mariño grande, a lavandeira amarela e o merlo rieiro. Na primavera e a primeiros do verán son frecuentes os millafres negros e mesmo se observan habitualmente aguias calzadas. Nos prados de ribeira do río da Chanca (1), máis pequeno, habemos reparar en aves de menos tamaño, como o tordo común ou a lavandeira branca.

As aves

No río podemos observar facilmente diversas especies características como o merlo rieiro, a lavandeira real, o mergullón pequeno, a galiñola de auga común, o bilurico das rochas e o corvo mariño grande. Nas ladeiras, en primavera son frecuentes os millafres negros e tamén se deixan ver con asiduidade aguias calzadas.

Consellos e recursos
  • Estamos nunha zona urbana, polo que debemos ter coidado coa circulación de vehículos.

  • As aves urbanas son un excelente recurso educativo: obsérvanse con facilidade e están ao alcance de calquera.

Arriba