Igrexa románica de transición ao gótico do S. XII con importantes modificacións nos S. XVIII e XIX. De pequeñas dimensións, está asentada sobre unas penas nun antigo emprazamento castrexo. Na fachada destaca un tímpano historiado con figuras correspondentes posiblemente a San Martiño. A porta sur é sinxela e estreita. Sobre a cornixa da nave principal e da ábsida hai canzorros simples, lisos e biselados na súa maior parte, e sobre o testeiro da ábsida destaca unha cruz antefixa co a representación de Cristo Crucificado. Os retablos, tanto o maior como os laterais, son de madeira e de estilo barroco (S. XVIII). A totalidade das esculturas son tamén deste estilo e están feitas en madeira, se ben algunhas delas son de factura popular.