Estamos ante unha sinxela casa labrega de 1830, enriquecida con algúns elementos ornamentais en busca dun aire de distinción. Esta casa reforza o seu carácter indiano pola decoración da súa fachada principal enriquecida con molduras sobre as ventás e cunha cornixa a modo de enmarque, así como pola presenza do característico balcón presidencial, que orixinalmente estaba pechado cunha galería. No seu xardín podemos observar a presenza da distintiva palmeira.
Forma parte da Ruta dos Indianos polas parroquias.