Ponte de construción sinxela e austera posiblemente levantado en época medieval sobre un anterior romano que pertencía ao camiño real entre Viveiro e Ortigueira. Fabricado con cadeirado e cachotaría de granito, consta de tres arcos de medio punto de traza románica. No centro da ponte, a dez metros sobre o nivel da auga, consérvase aínda o miliario que marcaba a fronteira entre as antigas provincias de Mondoñedo e Betanzos, actualmente entre A Coruña e Lugo. Sitúase sobre as augas do río Sor, entre as vilas de Río Barba e Ribeiras do Sor, nunha paraxe natural de gran beleza.