Edificio de mediados do século XX (1956-1966). Planta rectangular e estrutura funcional, exenta de tabiquería interior para facilitar a distribución dos postos de mercado. Destaca a súa fachada principal, que está flanqueada polos ocos, un deles cego, ao xeito de fornela, e outro situado por enriba da porta de acceso. Ten tamén unha entrada lateral. Cuberta a dúas augas. Dende o punto de vista ornamental, destaca a curvatura da liña de cornixa, que remata a xeito dun frontón cambado.