Igrexa sen estilo definido construída no século XX. Presenta unha planta rectangular onde se desenvolve unha soa nave dividida en catro tramos e rematada nunha ábsida rectangular. Interiormente a nave cóbrese cunha bóveda de canón apuntado, que se apoia sobre arcos faixóns. Aos pés da nave sitúase un coro alto. Exteriormente a escasa decoración concéntrase na fachada principal, dividida en tres panos, remarcando o central cunha torre campanario que remata nunha pequena cúpula. Nun dos laterais do edificio engade un pórtico de recente construción.