PR-G100 SENDEIRO NATURAL ACIVEIRO-CANDÁN

Sendeirismo
561

Localización

Forcarei - Pontevedra

Coordenadas:
42º 37' 04.1" N - 8º 18' 08.5" W

Descrición


Interese xeral

O sendeiro consiste nunha rota circular de 15 km con principio e fin no coñecido Mosteiro de Aciveiro. Camiñando cara á aldea de Vilaverde, atravésase o aínda pueril río Lérez rodeados de moitas especies arbóreas ata chegar, preto da Rochela, a unha antiga alvariza que dá testemuño da pasada presenza do oso nestas altas serras pontevedresas.

Logo, entre prados, matogueiras, brañas e pequenos bosques ascéndese polas lenes abas da Serra do Candán, espazo natural que participa no proxecto europeo da Rede Natura 2000. A rota descende suavemente cara a Lamasgalán de Arriba, onde un primitivo camiño de carro dirixe o camiñante ata Lamasgalán de Abaixo.

Gozando das paisaxes e dos ecosistemas humanizados deste lugar, chégase ata a fermosa Ponte Vella de Andón, para logo percorrer as ribeiras do Lérez en busca do mosteiro. Casas, pontes, muíños e cruceiros de Forcarei son mostras do afamado traballo dos vellos canteiros destas terras.

Acceso

Dende Santiago e Ourense pola AP-53 ou a N-525 ata Lalín e continuar pola PO-200 ata Aciveiro. Dende Pontevedra pola N-541 e en Cerdedo seguir a PO-200 ata Aciveiro.

Material

Materiais: Dadas as condicións climáticas da serra é recomendable levar calzado de montaña impermeable, así como indumentaria de abrigo.

Duración

Duración (horas): 4

Lonxitude

Lonxitude (Km.): 15.0

Dificultade

Baixa

Links

Punto de partida/chegada

Punto de partida: Mosteiro de Aciveiro - UTM: 29T X:557340 Y:4718840

Perfil altitudinal

Altura mínima sobre o nivel do mar: 690 m.
Altura máxima sobre o nivel do mar: 907 m.
Desnivel acumulado baixando: 284 m.
Desnivel acumulado subindo: 280 m.
Perfil de elevación do sendeiro

Acceso a cabalo

Apto parcialmente

Un plus

O Mosteiro de Santa María a Real de Aciveiro foi fundado no século XII e foi un dos máis importantes na idade media. O mosteiro estableceuse sobre uns terreos ocupados por un gran bosque de acivros (Ilex aquifolium), pasando logo a ser leiras cultivadas e modificando enormemente a paisaxe. Daquel bosque conservamos o topónimo Aciveiro e os numerosos acivros que persisten nesta serra. Outro elemento destacable nestas terras monacais é a Ponte Vella de Andón que unía o mosteiro co Val do Umia e con Santiago, atribuída ao abade Gonzalo das Penas, abade que co tempo foi canonizado como San Gonzalo.

Percorrido

Recorrido: Mosteiro de Santa María de Aciveiro, Vilaverde, A Rochela, A Lomba, mámoa, Lamasgalán de Arriba, Lamasgalán de Abaixo, Mouro Negro, Ponte Vella de Andón, Andón, O Cotiño e Mosteiro.

Cartografía I.G.N. (1:25:000)

Cartografía: Nº 153-II Forcarei

Acceso en bicicleta

Apto parcialmente

Servizos

Descrición servizos: En Forcarei.

Máis información

Concello de Forcarei.
Praza da Igrexa, 1 36550 Forcarei.
Tel.: 986 755 036 / Fax: 986 754 082
www.forcarei.net

Segatur S.L. Apdo. 5430 - 36200 Vigo. Tel. 886 117 011
e-mail: info@segatur.com / www.segatur.com

Federación Galega de Montañismo
Rúa Fotógrafo Luis Ksdo, 17 of. 10. 36209 Vigo.
Tel.:986 208 758 / fax: 986 207 407
e-mail: info@fgmontanismo.org / www.fgmontanismo.org

M.I.D.E.

Esforzo M.I.D.E.:
Itinerario M.I.D.E.:
Desplazamento M.I.D.E.:
Medio M.I.D.E.:

Tipo de percorrido

Pequeno percorrido
Lembra que pode haber recursos que non estean xeorreferenciados e, polo tanto, non os esteas visualizando.

Plano

Última actualización: 15/11/2016
Arriba