Pequeno museo da pesca situado no castelo de San Carlos, un dos baluartes defensivos da Costa da Morte que se construíron no século XVIII para protexerse dos corsarios ingleses e franceses. A día de hoxe, alberga un espazo expositivo relacionado coas artes da pesca en Galicia. Compoñen a exposición paneis explicativos sobre as embarcacións tradicionais, a pesca das baleas, os naufraxios e todo tipo de utensilios mariñeiros. Realízanse tamén interesantes visitas á lonxa para grupos.