O Cuartel de Dolores, base do Terzo Norte de Infantería de Mariña, foi deseñado por Sánchez Bort. Edificio de planta cadrada organizado arredor dun patio de armas central, con dous grandes alxibes e rodeado dunha arcada que dá entrada e acceso aos pisos baixo, principal e segundo. O corpo central do edificio é de bóveda de canón, seguido dunha azotea no segundo piso. Na fachada principal está a entrada con adornos de orde dórico, columnas pareadas e illadas dunha soa peza, con catro pilastras. Sobre a cornixa vese un balcón de ferro cun escudo en pedra na súa parte superior, e que ostenta as armas reais.