Igrexa santuario mariano, dos de tradición mais antiga e dos mais concorridos de Galicia. Ten a súa orixe na capela das Aparicións do século XII aínda que o seu aspecto actual é produto das distintas fases construtivas ó longo dos séculos XVIII e XIX. As obras realizadas crearon un aspecto de cruz latina de curtos brazos e dá a impresión de ter dúas fachadas case idénticas. Destacan as columnas neoclásicas das esquinas así coma o esvelto campanario da fachada occidental. Tamén é resaltable o ciborio central con lanterna que aporta sobria elegancia a todo o conxunto.