Constitúe esta Capela un exemplar único do barroco portugués en Galicia, barroco miñoto, influencia da arte de André Soares na rexión do Miño. Foi levantada sobre a casa onde morreu este san dominico no século XIII, iniciándose a súa construción cara a 1769 aínda que a súa data de finalización se demorou ata 1803. A capela ten planta en cruz grega ou central., destaca a súa cúpula gallonada ou os interesantes frescos de principios do século XIX.