A fachada está enmarcada por dúas torres xemelgas de tres corpos graduados de planta cadrada, formados por catro machóns unidos por arcos de medio punto onde van as campás e rematadas cunha cornixa. No último corpo hai unha cupuliña sobre machóns formando seis arcos de medio punto e, coroando a cúpula, un pináculo cunha cruz de forxa en cadansúa torre-campanario. O corpo central presenta balconciño e cúpula elíptica.