IGREXA DE SANTO ANDRÉ DE TEIXIDO

Relixioso
1767

Localización

Parroquia: Teixido (Santo André)

15358  Cedeira - A Coruña

Coordenadas:
43º 42' 33.0" N - 7º 59' 02.9" W

Descrición

Igrexa de estilo gótico-barroco, dos séculos XVI e XVIII, situada nunha espectacular paraxe debuxada polos acantilados da serra de A Capelada. Da igrexa anterior só queda a porta do muro norte, así como pinturas murais. Destaca unha imaxe relicario de estilo barroco italiano, cun fragmento de óso de Santo Andrés. A torre campanario que data do século XVIII, de base cadrada, está formada por tres corpos decrecentes e cúpula rematada en pináculo. Este santuario é punto de peregrinación de moitos galegos e foráneos. Segundo conta a lenda, Santo Andrés, un dos doce apóstolos, chegou navegando ata os acantilados próximos, onde envorcou a súa embarcación, que quedou convertida nunha pena, coñecida como "A barca de Santo Andrés". Ninguén lle prestou axuda, pero recibiu de Deus a promesa de que tería un santuario e unha romaxe ata a fin do mundo, aos que, vivos ou mortos, acudirían todos os mortais. Unha visita obrigada pois, como di a lenda, "vai de morto quen non foi de vivo".

Acceso

Dende Cedeira, coller a estrada cara a Santo André de Teixido, e a 12 kilómetros aproximadamente atópase o santuario.

Accesibilidade

Peonil e/ou en autobús e/ou en coche.
Localizar este recurso no mapa
Última actualización: 14/02/2018
Arriba