Turgalicia Turismo de Galicia

Xunta de Galicia
Inicio > Visita estes... destinos > Espazos naturais > LIC - Rede Natura 2000 > Ribeira Sacra e Canón do Sil > Rutas > Engadir á "Miña viaxe"

Descansa en...

Ver máis
Central de Reservas

Central de Reservas

Coñeza e faga as súas reservas nas casas de turismo rural de Galicia

Ribeira Sacra e Canón do Sil

Ruta dos Mosteiros

Ampliar

Pola ribeira do Sil

Podemos comezar a ruta desde Monforte ou desde Ourense collendo a estrada N-120, e tomando nos Peares a estrada de servizo das presas hidroeléctricas, que nos levará pola marxe sur do río Sil. Esta estrada, construída polas compañías hidroeléctricas, é privada, pero permítese a libre circulación de vehículos particulares. Despois dun percorrido ao mesmo nivel do río, a estrada comeza unha subida cara a Luíntra. Antes de chegar a esta poboación atoparemos un desvío á dereita que nos levará ata o Mosteiro de Santo Estevo de Ribas de Sil. Actualmente o Mosteiro pertence á rede de Paradores de Turismo, pero pódense visitar libremente os tres claustros, a igrexa e un centro de interpretación do mesmo situado na planta baixa.

Parada de Sil

Volveremos sobre os nosos pasos e tomaremos a estrada xeral de Luíntra a Parada de Sil. Na entrada deste núcleo atoparemos un desvío á esquerda que nos conducirá ata o Mosteiro de Santa Cristina de Ribas de Sil, ao que se accede a través dunha pista asfaltada. Regresando de novo cara a Parada de Sil (onde podemos achegarnos ao magnífico miradoiro dos Balcóns de Madrid), tomaremos a estrada que, por Hedrada, nos leva ata Vilariño Frío, no cruzamento coa antiga estrada comarcal de Ourense a Ponferrada.

O noso seguinte obxectivo é o Mosteiro de Santa María de Montederramo, parte do cal foi convertido en colexio. Para chegar ata Montederramo percorreremos uns quilómetros en dirección a Trives, e colleremos unha estrada local á dereita, que se interna cara a Montederramo e á Serra de San Mamede.

Ata Ourense

Volvendo despois sobre os nosos pasos, e seguindo a vella estrada comarcal, esta vez cara a Ourense, pasaremos por Vilariño Frío e o Alto do Rodicio, dende onde poderemos apreciar unhas grandiosas vistas sobre o val de Maceda. En plena baixada, tomaremos un desvío cara á dereita para achegarnos a Xunqueira de Espadanedo, onde admiraremos o seu mosteiro.

San Pedro de Rocas será o seguinte punto de interese, no concello de Esgos. Este é un valioso conxunto que cativará ao viaxeiro pola fusión entre medio natural e patrimonio histórico, testemuño do asentamento nestas terras dos primeiros monxes, coas tumbas labradas na rocha. Para iso volveremos á estrada comarcal, pasaremos a capital municipal de Esgos, e tomaremos un desvío á dereita, que nos levará directamente a este especial punto de interese patrimonial.

 

Compárteme en...

A Miña viaxe

A miña viaxe

Preparando a viaxe...

Almacena toda a información necesaria para organizar a túa viaxe: museos, monumentos, lugares de interese, aloxamentos, restaurantes...

Unha vez o teñas feito, poderás ver o plano da túa ruta, gardar información en PDF ou exportar as túas localizacións en GPS

Durante a viaxe...

Xa estás disfrutando de Galicia, aquí poderás consultar o plano da túa ruta, gardar información en PDF ou exportar a túas localizacións en GPS

Si dispós dun móvil con GPS poderás ver a túa situación no mapa.

Despois da viaxe

Agora que xa estás de volta, poderás anotar o que che pareceu o que visitaches, e tamén marcar o que non pudiedeches ver, para non olvidarte na próxima!

Entrar
Xunta de Galicia Turismo de Galicia

© 2013 Turismo de Galicia | Todos os dereitos reservados
Política de privacidade | Contacto | Accesibilidade

Arriba