Turgalicia Turismo de Galicia

Xunta de Galicia
Inicio > Goza destas... experiencias > Top Ten: Dez lugares únicos > Top ten: Dez lugares únicos > Engadir á "Miña viaxe"

Propoñémosche estes plans...

ver máis...
Ferrol

CIDADES

Ferrol

Curtida en mil batallas, é unha sabia mestura de cultura, elegancia urbana e poderío militar...

Ferrolterra

XEODESTINO

Ferrolterra

Xeodestino que agrupa municipios coma Ares, Mugardos, Cedeira, Ortigueira...

Top Ten: Dez lugares únicos

Ferrol da Ilustración

O noso percorrido polo norte de Galicia achéganos ata a cidade de Ferrol para ver o seu Arsenal, único porto militar da Ilustración intacto en Europa e a maior base naval da época.

Ampliar
Aínda que nas súas orixes Ferrol foi unha vila de forte tradición mariñeira, ao longo do século XVI o seu porto comezou a acoller os buques da Armada Real. Posteriormente, serían os monarcas Felipe V, Fernando VI e Carlos III os que impulsarían a construción desta grande obra, para converter a cidade na principal base militar do noroeste español e na meirande base naval da época en Europa. No seu interior, ao que podedes acceder solicitando permiso previo, atópase a Sala de Armas, que foi antigo Cuartel de Instrución Militar e agora é residencia de mariñeiría para o persoal destinado en Ferrol. Ademais, podedes visitar o Museo Naval e o Dique da Campá, un dos máis grandes do mundo. Non hai que esquecer tampouco a Exponav, importante exposición da construción naval.
Outra das paradas obrigadas en Ferrol é o coñecido Barrio da Magdalena, que vos achegará á historia desta cidade industrial e mariñeira. Durante o percorrido por este barrio, iluminado polas galerías e de trazado perfecto (en forma de libra de chocolate), non esquezades arrimarvos aos balcóns dos Xardíns de Herrera, lugar dende o que teredes unha magnífica panorámica do Arsenal. O Teatro Jofre, a igrexa de San Xiao ou o Ateneo Ferrolán son outros dos elementos que acompañarán a vosa visita.
Afastándonos do centro da cidade, podemos finalizar a ruta visitando o barrio mariñeiro da Graña, coas súas típicas casas estreitas e rúas empedradas que nos levarán cara a unha visita ao interior do Castelo de San Felipe, co núcleo de poboación aos seus pés. Esta fortaleza é un fiel reflexo do estilo dos modelos académicos da súa época, a Ilustración. Contemplando desde aquí as magníficas vistas sobre a ría e o Castelo da Palma, situado no municipio de Mugardos, será imposible non recordar a importancia histórica e cultural do conxunto formado polas fortalezas defensivas da ría de Ferrol e do Arsenal Militar, que facían desta entrada un fortín inexpugnable desde o mar, sobre todo para as incursións inglesas.
Interésache...
- Museo Naval: Aberto de martes a venres en horario de 09:30 a 13:30 horas e sábados, domingos e festivos de 10:30 a 13:30 horas. Os luns permanece pechado.
- Exponav: Aberto de martes a venres de 10:30 a 19:30 horas e luns, sábados, domingos e festivos de 10:30 a 14:30 horas. Máis info en www.exponav.org
Se vos coincide co solpor, este é o final perfecto: o sol caendo sobre as augas quedas da ría con vistas a Ferrol, esa cidade mariñeira e naval que vos acolleu durante o día.
Compárteme en...

A Miña viaxe

A miña viaxe

Preparando a viaxe...

Almacena toda a información necesaria para organizar a túa viaxe: museos, monumentos, lugares de interese, aloxamentos, restaurantes...

Unha vez o teñas feito, poderás ver o plano da túa ruta, gardar información en PDF ou exportar as túas localizacións en GPS

Durante a viaxe...

Xa estás disfrutando de Galicia, aquí poderás consultar o plano da túa ruta, gardar información en PDF ou exportar a túas localizacións en GPS

Si dispós dun móvil con GPS poderás ver a túa situación no mapa.

Despois da viaxe

Agora que xa estás de volta, poderás anotar o que che pareceu o que visitaches, e tamén marcar o que non pudiedeches ver, para non olvidarte na próxima!

Entrar
Xunta de Galicia Turismo de Galicia

© 2013 Turismo de Galicia | Todos os dereitos reservados
Política de privacidade | Contacto | Accesibilidade

Arriba