A Xunta participa na presentación do Resurrection Fest no marco dos concertos do Xacobeo que reunirá esta semana en Viveiro a máis de 120 bandas e artistas
O festival terá lugar do 29 de xuño ao 3 de xullo. Contará coa participación de bandas como Deftones, Bullet for my Valentine, Alien Weaponry, Sabaton, Avenged Sevenfold e Judas Priest, entre outros
A directora de Turismo, Nava Castro, participou na presentación da 16 edición do Resurrection Fest, que terá lugar en Viveiro do mércores 29 de xuño ao domingo 3 de xullo coa participación de máis de 120 artistas e bandas, entre os que se encontran grandes nomes internacionais como Deftones, Bullet for my Valentine ou Alien Weaponry,Sabaton,Avenged Sevenfold e Judas Priest, entre outros.
Gracias á espectacularidade do cartel, así como á súa especialización musical, este evento consolídase como unha das principais citas europeas e a máis importante de España no seu xénero. Así púxose de manifesto esta mañá na presentación oficial que tivo lugar en Viveiro e na que interveu a directora de Turismo de Galicia, Nava Castro.
Durante a súa intervención, Castro destacou a importancia deste tipo de celebracións, xa que, gracias a súa calidade, este festival consolídase como un dos grandes do Xacobeo, atraendo a máis de 140.000 persoas a participar no mesmo durante os seus 5 días de duración. Por iso, a directora de Turismo de Galicia animounos a solicitar a declaración de Festa de Interese Turístico de Galicia.
“Temos que sentirnos enormemente orgullosos do traballo realizado, de que celebracións como a que estamos a presentar acaden un éxito internacional e sexan un elemento tractor e dinamizador tanto do sector cultural e turístico como do conxunto da sociedade e do territorio” finalizou a directora de Turismo de Galicia.
Ademais do patrocinio como cita destacada dos Concertos Xacobeo, o Resurrection FEST conta cunha achega adicional ao seu financiamento a través das subvencións a festivais de música que convoca cada ano a Xunta de Galicia a través da Axencia Galega das Industrias Culturais.
Á presentación tamén asistiron o director de Industrias Culturais, Jacobo Sutil; o delegado da Xunta en Lugo, Javier Arias; o director de Patrocinios Musicais de Estrella Galicia, Víctor Martiñán; e o CEO de Bring The Noise e director do festical, Iván Méndez.
Este festival enmárcase na programación de Concertos do Xacobeo, un evento que espallará música e espectáculo por toda Galicia con 350 artistas de primeiro nivel que chegarán a todos os recunchos da comunidade para celebrar un Ano Santo extraordinario