Turismo de Galicia

A adhesión de persoas beneficiarias ao programa Bono Turístico está regulada pola Resolución  de  22 de xullo de 2020, pola que se establece o procedemento de concesión da tarxeta Bono Turístico #QuedamosenGalicia  para persoal empregado público dos sectores sanitario e socio sanitario da Comunidade Autónoma de Galicia no ano 2020 , que pode consultar aquí, e no que se identifican os seguintes requirimentos:

• Que a persoa solicitante teña a condición de empregado público do Sistema Público de Saúde de Galicia tanto dependente da Consellería de Sanidade como do Servizo Galego de Saúde e as entidades públicas dependentes deste organismo, así como o persoal empregado público destinado nos centros residencias de maiores, discapacidade e menores calquera que sexa a súa categoría laboral.
• Que a persoa solicitante teña estado prestando servizos dentro do período comprendido entre o 15 de marzo e 15 de xuño de 2020

Para poder solicitar a tarxeta Bono Turístico de Abanca deberán presentar a correspondente solicitude na Sede electrónica, estando aberto o prazo a partir do día seguinte ao da publicación das bases ata o esgotamento do crédito orzamentario e pecharase en todo caso o dia 30 de novembro de 2020. (Nota: amplíase a marxe para que os usuarios poidan solicitar a súa tarxeta, ata o 10 de decembro 2020.)

Lembre que para presentar a solicitude vai necesitar ou ben o certificado dixital ou estar rexistrado coma usuario de Chave365. Consulte aquí os sistemas de identificación e sinatura admitidos na Sede.

Todas as declaracións serán validadas para garantir que cumpren cos requirimentos anteriores e as persoas solicitantes recibirán unha notificación electrónica confirmándolle a súa adhesión ou, se fora o caso, o seu rexeitamento. Se a persoa solicitante non estivera de acordo coa resolución poderá realizar a correspondente reclamación empregando un dos procedementos xenéricos que, a tal efecto, están dispoñibles na Sede.