O museo do mel pretende mostrar ao visitante o fascinante mundo das abellas, achegando unha visión da apicultura dos nosos antepasados, así como a diversidade de produtos e métodos da apicultura moderna. Situado nas proximidades do encoro de Portodemouros, o visitante gozará dun marabilloso contorno, onde poderá encontrar xardíns con plantas botánicas e melíferas, unha charca coa súa ponte, unha gaiola de paxaros e un formigueiro. Todo isto rodeado das colmeas coas súas abellas. Organízanse charlas, cursos, seminarios, talleres, etc.