Na localidade de Santa Marta vemos a indicación a este miradoiro e ao de Boqueiriño que están no mesmo roteiro, na parroquia de Bolmente. Son uns dos miradoiros con máis altura da rede, por ese motivo ao chegar a uns 3km do miradoiro remata a pista asfaltada e empeza unha pista de montaña co firme en terra que é transitable en vehículo ata a mesma entrada do miradoiro. O Miradoiro de Cividade está situado a máis de 500 m sobre o nivel do río, desde o que temos unha vista espectacular da zona de Cerreda, na beira Ourensá. Existe unha pasarela metálica realizada pola arquitecta paisaxista Isabel Aguirre que se mete uns metros no Canón, incrementando a sensación de “vertixe”. 

Se facemos a visita en época de choivas poderemos ver as numerosas fervenzas que alimentan o Sil formando un verdadeiro espectáculo. Ademais no lugar existe unha pequena area recreativa para poder gozar das vistas máis tempo.