Habilitado como Parque da Natureza, Cotorredondo é un espazo natural e de lecer localizado no centro da península do Morrazo, compartido polos concellos de Vilaboa, Marín e Moaña.

O lago de Castiñeiras artella a un conxunto que destaca pola súa variedade arbórea e por dispoñer dunha aula da natureza habilitada para a educación ambiental.

Dende o miradoiro de Cotorredondo, a 550 metros de altitude, disponse dunha ampla perspectiva do fondo da ría de Vigo cara ao sur, destacando a enseada e illa de San Simón e cara ao norte as rías de Pontevedra e Arousa.