Pequena capela con muros de cantería de pedra de gra, construída ao lado da casa reitoral, edificio barroco de 1766. A capela ten unha fornela cunha imaxe pétrea de santo Antón de Padua, e sobre ela unha pequena espadana de forma piramidal na que descolga unha pequena campá. Era de destacar a súa porta con ornamentacións cadradas, que lamentablemente se perdeu nun incendio. Enriba dela presenta unha lenda que di: “hizose por el abad d. Josep Sánchez de Ocaña 1766”.