Está considerado o edificio civil máis antigo de Ribadeo. Do período medieval, só conserva a fachada, xa que foi reformado no século XX, momento no que se suprime o patín orixinal que lle deu nome á casa. Segundo o seu escudo, pertenceu á liñaxe dos Menéndez-Navia e Villamil, de orixe local e enriquecida co comercio da madeira. Comparte patio co edificio da antiga Escola de Náutica e Comercio creada en 1856, hoxe biblioteca municipal.