Inmoble levantado en 1910 e promovido pola familia de Pedro Murias. Esta casa foi construída a 50 metros da estrada, circunstancia pouco frecuente nun país onde era e é norma edificar a vivenda en primeira liña da rúa ou da estrada. De planta cadrada e dúas plantas, o inmoble é particularmente sobrio, apenas mostra elementos decorativos e nese sentido só posúe unha cornixa que lle outorga certa robustez e aire de fortaleza á par que alegría visual.
Forma parte da Ruta dos Indianos polas parroquias.