VIADUCTO

Civil
10
No Camiño de Santiago

Localización

32004  Ourense - Ourense

Coordenadas:
42º 20' 52.3" N - 7º 51' 45.8" W

Descrición

A existencia dun viaduto elevado sobre o río Miño foi imprescindible no desenvolvemento do transporte ferroviario en Galicia, que arrinca en Ourense a finais do século XIX. A súa construción permitiu que a vía, que entra polo sueste na comunidade, empatase aquí co tramo de Monforte e a liña Vigo-A Coruña, pechando deste xeito o sistema de ferrocarrís do Noroeste.
O primeiro proxecto data de 1933, pero non se finalizou até 1958. Foi deseñado polo enxeñeiro José Luis Tovar Bisbal, quen tamén se ocupou da construción da estación de tren Ourense-Empalme. O viaduto ten unha lonxitude de 415 metros e conta con tres inmensos arcos parabólicos de 46 metros de altura que lle transmiten certa lixeireza. Aínda que os primeiros deseños eran dunha ponte metálica, a obra final construíuse integramente en formigón, sendo unha das primeiras construcións desta envergadura que empregaban este material.

Acceso

Dende o parque de San Lázaro pola rúa Curros Enriquez ata chegar ao Miño pola ponte Nova.

Camiños de Santiago

Vía da Prata
Arriba