O cabazo ou hórreo de Cambeda está entre os máis longos de Galicia, con 22,34 metros de lonxitude e 16 pares de pés. Trátase dun hórreo “tipo Fisterra” de granito, con pezas de cantaría superpostas con espazos para permitir a ventilación.
Situado ao lado da igrexa e das ruínas da vella reitoral, era o lugar onde o párroco acumulaba os dezmos, a porcentaxe das colleitas que os fregueses debían dar á Igrexa.
Ao seu carón había unha eira da que aínda se observan partes das pedras do seu feche.