Este edificio é a construción indiana máis representativa do concello. Foi construído entre 1921 e 1932  grazas á colaboración dos emigrantes guardeses e destinado a Hospital Casa-Asilo. O seu estilo é ecléctico con influencias do estilo rexionalista montañés. Trala reforma de 1990 converteuse no actual Centro Cultural e alberga a Biblioteca Municipal, salas de exposicións e un salón de actos.