Data do século XV, está situada no centro do castro e foi a capela do castelo de Castrodouro, convertida máis tarde en igrexa parroquial.

Consta dunha soa nave cuberta de madeira, arco triunfal de medio punto, capela maior cadrada e cuberta a catro augas. Ao seu carón áchase a sacristía e un rústico pórtico. A fachada principal ten porta alintelada e espadana de dous corpos e tres vans. Na capela maior destaca un fresco do século XV que representa a Piedade coas figuras laterais de san Xoán, María Magdalena e unha caveira. As súas cores son vivas e están consideradas como as máis antigas da diocese.