A capela de Buxán está dedicada a San Blas e Santa Ana. A construción de perpiaño reserva os bloques regulares para a fachada. A porta de acceso é alintelada, con pequenas ventás laterais. Unha espadana dun arco, rematada con cruz, pecha o conxunto. No seu interior reciben culto populares imaxes dispostas no seu altar, dúas delas do santo titular. Destaca un talle gótico da Virxe co Neno, de pé e coroada, aínda que de factura popular.