Edificio situado no casco histórico da vila de Betanzos, de estilo modernista (aínda que con tendencias ecléctico-historicistas), construído a principios do século XX (1914). Presenta unha planta rectangular de dúas alturas. A fachada principal divídese en tres corpos, dos cales o central sobresae máis. Os vans distribúense simetricamente e aparecen enmarcados por molduras. Tiña patios tanto interiores como exteriores. O fin co que se construíu este edificio era o de proporcionar tanto albergue, alimentos e vestidos aos anciáns, como ensino ós rapaces.