Igrexa de estilo románico do século XIII. Presenta unha planta rectangular onde se desenvolve unha soa nave. No interior o espazo entre o presbiterio e a nave está delimitado por un arco triunfal apuntado e de sección rectangular, que descansa sobre dúas columnas de avultadas baseas, fuste de pouco grosor e estilizados capiteis de collarino sogeado. No exterior a fachada principal concentra toda a decoración, organizándose segundo un imaxinario eixe vertical no que se inscribe a porta principal e un pequeno oco cuadrangular. A cornixa interrómpese no medio para servir de base a unha sinxela espadaña. A cuberta a dúas augas con cubrición de tella curva.