FESTA DA AMEIXA DO CARRIL

Festas de interese turístico
3062
No Camiño de Santiago
Datas de celebración: 19/08 - 20/08

Localización

Parroquia: O Carril (Santiago)

Lugar: O Carril

36610  Vilagarcía de Arousa - Pontevedra

Descrición

O bivalvo máis identificativo da localidade mariñeira do Carril, en Vilagarcía de Arousa, é o protagonista desta cita gastronómica que se celebra no domingo seguinte ao 16 de agosto, festividade de San Roque, festas patronais de Vilagarcía de Arousa. 
Os afeccionados á cociña teñen tamén a oportunidade de participar nun concurso no que se premian as mellores receitas coa ameixa como ingrediente principal. Neste concurso entréganse as Ameixas de Ouro, de Prata e os galardóns ao parquista máis novo e ao parquista de honra.
Durante unha fin de semana pódese degustar a ameixa criada nos areais do Carril nas máis variadas preparacións, pero especialmente á mariñeira e acompañada de viño albariño.
A festa celébrase na Alameda, xunto á lonxa e con vistas á illa de Cortegada, integrada no Parque Nacional das Illas Atlánticas. A Festa da Ameixa celébrase desde o ano 1991. 

Camiños de Santiago

Ruta do Mar de Arousa e Ulla

Outras características

Gastronómica
Festas Festas de interese turístico Festas de Galicia de interese turístico
Arriba
Axúdanos a mellorar!