Construción dunha soa nave rectangular dividida en tres tramos. O primeiro compóñeno tres arcos que forman bóveda de canón con contrafortes no exterior, e os outros dous teñen estrutura rectangular e de maior anchura. Na fachada principal sobresae unha espadaña de dúas campás e varios pináculos de ornamentación, que se repiten en todas as esquinas do templo. Circundando á igrexa, consérvase un cemiterio valado con dous linteis de baldaquino na entrada. Un deles ten dous arcos conopial moi rebaixados con bólas e flores, ocultando os seus picos distintas imaxes.