Museo deportivo que abrangue toda a historia do Real Club Celta de Vigo desde o seu nacemento en 1923 coa fusión do Real Vigo Sporting Club e o Real Fortuna ata os nosos días. O museo conta con diversas salas que fan un percorrido pola historia, trofeos acadados, placas conmemorativas, bandeirolas, fotografías de múltiples aliñacións, logros no baloncesto e no atletismo… que lembran e fan coñecer a fondo as fazañas deste equipo.