Edificio proxectado en 1921 por Manuel Gómez Román, para vivenda de Manuel Millán. O máis destacable son os capiteis ecléctico-clasicistas, que serven de exemplo para ver a primeira etapa do eclecticismo na cidade viguesa. Nesta cidade existía unha tendencia moi marcada á representación de capiteis clásicos corintios e en menor medida xónicos, pero a medida que se vai implantando o eclecticismo vanse incorporando outras formas.