Este sendeiro atópase no límite entre as parroquias de Santa Cristina e Santo Adrán de Cobres.
Comezamos o noso camiño nos arredores da Casa da Cultura de Riomaior onde se sitúa o cartel identificador deste sendeiro.
O río Maior deixa nas súas marxes un total de 34 muíños, os máis deles rehabilitados, que antigamente servían para a moeda de cereais coma a avea, o centeo e sobre todo millo. Un pequeno carreiro pegado ao río acompáñanos dun muíño a outro; as zonas máis técnicas e complexas solucionáronse perfectamente con pasarelas, pontes e escaleiras de madeira.
A ruta finaliza no muíño coñecido como Muíño de Miguel Lois. Neste punto, e dada a pouca lonxitude do percorrido, recoméndase volver ao punto de saída, facendo o mesmo sendeiro en sentido inverso.