Situado dentro do territorio do Xeoparque Cabo Ortegal, este xacemento atópase nun outeiro, produto da erosión diferencial sobre o maior afloramento de ecloxitas da Terra.

O depósito arqueolóxico é un excelente balcón á ría xa que, dende a súa altitude (290 m.), a paisaxe preséntasenos con toda a súa magnificencia abranguendo dende o inicio da ría, na desembocadura do río Mera, ata a punta de Estaca de Bares.

Atópase dentro da ruta de sendeirismo do Castelo do Casón.