Erguerse  para comezar un día de compras pola cidade. Gozar dun té, sen présas. Pensar no ben que descansaches, e sentir o pracer de dispoñer aínda dalgúns días libres. Preparalo todo para saír a cear e probar gastronomía da mellor calidade. Descubrir a un artista pouco coñecido e planear nese momento unha nova escapada para volver revivir todo o que uns días en Santiago pódenche ofrecer.

Esquécete por un momento do asfalto e goza, dende a mesma porta do hotel, de quilómetros de rúas empedradas feitas á medida dos teus propios pasos. Estamos situados nunha das partes máis tranquilas do centro histórico, xusto onde o necesitas. Nunha zona de Santiago de Compostela onde abundan restaurantes de tendencia, as mellores tendas e os locais de lecer máis vibrantes da cidade; sen esquecer os lugares de maior interese turístico.

O edificio que alberga o  Altaïr e o seu deseño conseguen equilibrar tradición e tendencias, inspirándose na filosofía xaponesa  wabi- sabi. A esencia desta ancestral arte oriental reside na mestura do fresco e o simple ( wabi) coa beleza do pouso do tempo ( sabi). O resultado é unha delicada proporción que transita desde o rústico ao contemporáneo, dando lugar a un ambiente cálido, sinxelo e  imperfectamente fermoso.