Igrexa con nave e fachada reconstruídas no s. XVIII, en estilo neoclásico; conservando a ábsida semicircular románica, do s. XII. Posúe tres pequenas ventás de gran harmonía e un escudo coa "M" da familia Montenegro, acompañada pola representación da serea que fai referencia á liñaxe dos Mariño. Cando realizaron as obras de limpeza do presbiterio apareceron pezas dunha construción máis antiga, prerrománica ou sueva, as cales se atopan pegadas ao muro norte da igrexa.