A reforma de 1794 fixo transformar por completo a estrutura da edificación antiga. De planta rectangular, de fábrica de cantería nos esquinais e cachotería caleada no resto, componse de tres naves separadas por pilastras cadradas unidas lonxitudinalmente por arcos de medio punto e con cuberta común de lousa a dobre vertente. Dúas sancristías nos costados do presbiterio e pórtico no frontis con entradas de arco polos costados. Sobre a porta principal simple espadana de dobre van e campanil pequeno preto da porta lateral da nave. Interior: arco triunfal de medio punto, e retablo maior e laterais neoclásicos, con esculturas da época.